divites, vehementius solet. Mente tamen Deo devotus, frequenter
se temptabat erigere facturumque se magnum aliquid proponebat.
Nam et si quando se ad studium venationis accingeret,
ubicumque per silvas amęnum locum reperire poterat,
mox se ad heremi desiderium eius animus accendebat, dicens
intra se: «O quam bene poterant heremitę in his nemorum recessibus
habitare, quam congrue possent hic ab omni secularis strepitus
perturbatione quiescere!». Et ita mens eius cęlitus inspirata
iam divinabatur in amore quod impleturus erat postmodum
opere.
Huic erat pater nomine Sergius, mundo vehementer intentus
et omnino secularibus negotiis implicatus. Qui dum adversus
quendam propinquum suum exortis simultatibus pro
possessione partis inimicitias exerceret, videns filium suum
|
1
5
10
|