gaudere possemus, nisi concepta dudum
vel antiquata, quin potius papae nostri
nequitia, tam in his quam in aliis,
prout universalis jam notio publicat, nostris
desideriis obviaret vel repugnaret. Vellemus
nihilominus, dum personalia non possimus
adjuvamenta porrigere vobis et genti
vestrae, de suffragiis aliis et opulentia regni
nostri magnifice providere, si caristia victualium
quae in regno nostro duobus jam praeteritis
annis invaluit, et potestatem inclusit
voluntati nostrae, quam super hoc promptam
et paratam offerimus, non obstaret.
Quanquam igitur vobis et vestris, ex causis
quas diximus, nostrae Serenitatis affectio non
valuerit, sicut voluit, amicabiliter providere:
nihilominus tamen, vestra dilectione commoniti,
et tam salubri commodo persuasi,
maluimus nobis ipsis et fidelibus nostris regnicolis,
in ipsa victualium subtractione deesse,
quam vobis et fidelibus vestris, et aliis
regni vestri nobilibus qui per regnum nostrum
transitum habuerunt, in tam utilis
et sancti propositi prosecutione deficere,
in quibus vestris et eorum necessitatibus
nostra si posset liberalitas subveniret:
nunc etiam ad ostendendum purae dilectionis
judicium, quam ad vos et vestros semper habuimus
et habemus illaesam: Joanni de Loco