(Rubrica):incipiunt multiplices epistole que diversis et variis negotiis utiliter possunt accomodari a Bernardino composite. Et primum epistola filii ad patrem.
1.
EPISTULA FILII AD PATREM
1. Bernardo patri karissimo, et domino metuendo vel: Genitori amantissimo, et hero plurimum reverendo, vel: Patri dulcissimo, et totius vite sue refugio, vel: Genitori dilectissimo, ab omnibus operum meritis diligendo, in quo sue spei constat esse refugium, vel: Bernardo suo patri maxime reverendo, vel: Reverendo patri, et plurimum domino metuendo, vel: karissimo genitori et domino, sui corporis sustentaculo, vel aliter.
CIRCUMSCRIPTA
2 Reverendo patri et domino plurimum metuendo Ber., a quo quicquid est pendere cognoscitur, vel: Karissimo genitori Bernardo, qui sue iuventutis est virtus, vel: Dulcissimo et amantissimo domino Bernardo, ad quem eius utilitas et incommodum pertinere recta ratione videntur, suus filius minimus, debite reverentie famulatum, vel: debitam semper subiectionem, vel: filialem obedientiam aut reverentiam, vel: G. sue senectutis baculus, salutem et filialem reverentiam, vel: filialem devotionem, vel: subiectionem, vel: filiale cum salute servitium, vel: quicquid patri filius, et diligens hero vernaculus, vel: quicquid valet excogitari melius, vel per accusativum casum omnes prefate salutationes possunt variari, si alias terminationes dictator adhibere voluerit, hoc modo: Bernardum feliciter vivere, et prosperis successibus habundare, vel: habundare successibus, et quod cupit diligenter adimplere, et suas iustas voluntates executioni mandare,vel:plurimis annis vivere, et bonis omnibus habundare, vel: diutius honeste
|
|