religioso et honesto viro … cappellano nostro, monacho monasterii supradicti,
… dilecti camerarii nostri germano, quem in persona ipsius camerarii
gestamus in visceribus caritatis, paternitatem vestram, de qua plene
confidimus, omni qua possumus affectione duximus exorandam, pro specialis
dono gratie postulantes, quatenus eundem, qui de bonis parentibus
traxit originem, qui etiam scientia, vita et moribus commendandus existit,
contemplatione nostri habentes favorabiliter commendatum, et in sua
nostram contemplantes personam, ipsum, intuitu nostri et vestrorum interventu
rogaminum, in alicuius promotionis gradu, in quo tam sibi quam
aliis spiritualiter et temporaliter proficere valeat, velitis quam cito vobis ad
id se facultas obtulerit collocare. Nos enim, qui persone proprie reputabimus
exhiberi promotionis gratiam, quam eidem cappellano nostro duxeritis
faciendam, vobis teneri propria volumus ad vicissitudinarie retributionis
eventum et ad cuncta que placibilitatis applausum affectibus nostris
afferant ac vestri nominis et honoris incrementum iuge sapiant, cum tenacis
rememoratione memorie et virtute recensende gratitudinis obligati.
Fratri Willelmo de Othum ordinis fratrum predicatorum Hugo miseratione
etc.
|
|