Vinum et mulieres apostatare faciunt sapientes, et arguunt
sensato.
Amictus corporis et risus dentium et ingressus hominis
enuntiant de illo.
Exenia et dona excecant oculos iudicum; et quasi mutus
in ore avertit correptiones.
Melior est qui celat insipientiam, quam homo qui abscondit
sapientiam suam.
Mittens lapidem in volatilia deiciet illa; et qui conviciatur
amico dissolvit amicitiam.
Vir multum iurans inplebitur iniquitate, et non discedet
a domo illius plaga.
Tres species odivit anima mea, pauperem superbum,
divitem mendacem, et senem fatuum et insensatum.
Corona senum multa peritia, et gloria illorum timor Dei.
Vasa figuli probat fornax, et homines iustos temptatio
tribulationis.
Melior est paupor sanus et fortis viribus, quam dives imbecillis
et flagelatus malitia.
CLXIX.
De differentia scripture.
Nota quod prima littera epistole, propria nomina hominum
et locorum, et inceptiones clausularum debent scribi littera
crossiori; et sic consuetudo longeva servavit.
Item, quia nullus ornato appositeque dictare posset, prout
experimento didici manifesto, nisi notitiam habeat per quas
dictiones incipere valeant et per quas sua dictamina debeant
terminari, de singulis partibus orationis dicamus, et primo
de nomine per omnes casus.
|
|