similitudine propter eamdem causam patres dicuntur,
vel quia ex se ipsis filios generant; vel quia
subjectos pio studio gubernant et regunt. Si vero
per coelos angelos intelligi voluit, credendum est
minores angelos, patres nominare majores; quoquo
tamen modo sententia intelligitur, bona paternitas
intelligi debet; neque enim ex Deo illa erat, de qua
in Evangelio dicit: Vos ex patre diabolo estis . Et
alibi: ab initio mendax est , et pater ejus patrem
mendacii, diabolum dicens.
14. AUGUST. (Epist. 120 De gratia Novi Test ., c.
26, tom. II.) Radicati et fundati . Radicati propter
agriculturam; fundati propter aedificationem; dicit
enim alio loco: Dei agricultura, Dei aedificatio
estis .
15. AMBROS. Ut possitis . Hoc est ut in fruitione
vitae consistatis, quod ostendit dicendo cum sanctis,
nam latitudinem, longitudinem, profundum. Altitudinem
dicit gratiae magnitudinem, ex his nominibus
quae apud nos magna esse videntur, oro, inquit,
cum sanctis illa tam magna donatione Dei quam
praestitit nobis charitas Christi.
16. AUGUST. ( Ibid .) Quae sit latitudo . Latitudo in
bonis operibus, quibus benevolentia porrigitur usque
ad diligendos inimicos; et longitudo, ut longanimiter
pro hac latitudine molestiae tolerentur; et latitudo,
ut pro his aeternum, quod in supernis est,
praemium, non vanum aliquid temporale speretur;
et profundum, significat profunditatem gratuitae gratiae,
in qua multorum ingenia conteruntur, investigare
conantur, ut ad extremum eis dicatur: O homo,
tu quis es, qui respondeas Deo?
17. LANFR. Latitudo . Latitudo Christianorum est
cordis amplitudo, ad dandum et subveniendum pro
Deo in quantum potest: unde alias dicitur: Dilatamini
et vos .
18. Longitudo . Longitudo, quae et alias longanimitas
dicitur, id est, exspectatio promissionum Dei
cum alacritate mentis.
19. Sublimitas . Sublimitas est vita coelestis. Unde
|
|