9. Nam cum caro in sepulcro quieuisset,
portas tartari potenter Christus fregit,
inde electos liberauit et in sanctam
ciuitatem collocauit inmortales.
De sepulcro resurrexit pastor bonus.
10. Hoc misterium qui possit estimare?
Ante celos nec electus penetrauit,
modo eciam latroni paradisi
Christus portas est dignatus aperire.
De sepulcro resurrexit pastor bonus.
11. Iudas impie crudelis latro dire,
lupe rapax et inmitis inimice,
penas lues sub geenna infinitas,
qui necare uitam mundi cupiebas.
De sepulcro resurrexit pastor bonus.
12. Vita nostra resurrexit de sepulcro,
cum qua simul resurrexit omnis mundus.
Suis ictibus perculsa inimica
iam perisse solam modo mors se gemat.
De sepulcro resurrexit pastor bonus.
13. Gens nefanda Iudeorum tristis modo
debet flere et in luctu permanere,
que demittere latronem expetiuit
et auctorem mundi clamat crucifigi.
De sepulcro resurrexit pastor bonus.
14. Nos oportet exultare, uiri fratres,
et feliciter in Christo iocundari,
qui purpureo cruore nos redemit
et ad aurea celorum regna misit.
De sepulcro resurrexit pastor bonus.
|
|