18. Hanc stellam magi fulgore perspicuo
in oriente uiderunt resplendere:
“Hoc signum” fantur “tam famosum, nobile
regis est magni.
19. Eamus ergo, inquiramus ubi est,
et offeramus illi saltim munera
nostris ablata de thesauris optima,
aurum, thus, myrram.”
20. Haec tria magnum demonstrant mysterium
dona, que deo hominique dederant
tres magi, sancto perdocente spiritu
more diuino.
21. In auro regis signat excellentiam,
in thure summum sacerdotem typicat,
per myrram Christi sepulturam mystice
optime docet.
22. Ecce uenerunt magi Hierosolimam
dicentes: “Stellam uidimus perfulgidam
in oriente. Vbi est qui natus est
rex Iudaeorum”?
23. Herodes magno timore perterritus,
reuolui sacras prophetarum paginas
praecepit scribis: “Legite si uerum est,
scriptura teste.”
24. Prophetam dudum dixisse commemorant:
“Et tu, Bethleem, terra Iuda minima
nequaquam eris, ex te dux egreditur,
Iacob qui regit.”
|
|