Antenor Priamusque simul veniunt ab Achivis,
Illyricosque sinus penetrant populusque virilis, Qui comitatur eos, detulit arma sibi.
Ducta per Illiricum vexit ratis alta leones,
Migrat in Hungariam, que fertilis obtulit omen;
Terra satis placuit; gaudia multa movent.
Arte parant urbem simulantem menia Troie,
Que male vicinos post ad servilia coget, Sic ut eos reges terra subacta roget.
Urbs ornata viris nova dicta Sicambria crevit,
Multiplicata nimis Troiana potentia sevit,
Percutit et ledit, sepe cruenta redit.
Cum foret innumeris urbs illa referta patronis,
Iam parat ut reprimat Germanica regna colonis,
Igne, fame, gladiis innumerisque dolis.
[Cepit ab his Germania cis Alpes habitari,
Et populi sic Germani meruere vocari;
Renus ibi fluvius Danubiusque salit.
Frantia post dicta Germania noscitur ipsa,
Ex qua Francorum regum natura patrissat.
Post quoque Francigenis nomen abinde fuit.]
45. De Agrippa rege Albanorum contemporaneo [et de Sicambris].
. . . . . . . . . . . . . . . . . . . . . . . . . . . . . . . . . . . .
[Per idem tempus Sicambri invadunt fines Bauguarorum usque Pataviam urbem,
ubi Enus fluvius cadit in Danubium]. . . . . . . . . . . . . . . . . . . . . . . . . . . . . . . . . . . . . . . . .
P. 140 v. 24 post per notavit Pertz in A auctorem variis locis sequentia interponere:]
De Sicambris.
Nunc equitum decies millena Sicambria claudit,
Tota quibus post hec Germania victa subaudit.
Arma Sicambrorum iam timet omne solum.
. . . . . . . . . . . . . . . . . . . . . . . . . . . . . . .
De Sicambris.
Impetus armorum reboat procerum Priamorum,
Ense Sicambrorum nomen sonat urbis eorum:
Hoc sibi precipuum nomen habere volunt.
. . . . . . . . . . . . . . . . . . . . . . . . . . . . . . .
De Sicambris.
Octo duces magnos centenos circiter annos
Istis temporibus populi tenuere Sicambros,
Quorum tam plane nomina scripta manent:
Antenor, Priamus, Troius, Troianus, Erinus,
Ector, Alexander, plenus probitate Carinus,
Nonus Gualdinus, nil probitate minus.
. . . . . . . . . . . . . . . . . . . . . . . . . . . . . . .
De Sicambris contemporaneis.
Regna Sicambrorum retinet Troiana iuventus,
Cuius ab eventu capiuntur regna potentum,
Ense Sicambrorum tollitur omne solum.
. . . . . . . . . . . . . . . . . . . . . . . . . . . . . . .
|
|