Gloria coronatus est in resurrectione; honore in
confessione paternae majestatis.
17. LANFR. Pro omnibus gustaret mortem . Ideo
gustavit, nam decebat. Decebat Deum, et potuit per
Christum consummare, id est, salvare nos, quia
Christus et nos ab illo sumus, quod est: Qui
enim , etc.
18. Decebat . Decebat enim, inquit, Deum Patrem
ut per mortem consummaret Christum auctorem
salutis humanae. Cur autem decuerit, multis causis
praetermissis, duas paulo post dicit: Ut per mortem
destrueret eum qui habebat mortis principium, id est,
diabolum; et liberaret , etc.
19. Ex uno omnes , id est, ex unius Patris dispositione
pendent.
20. AMBROS. Ex uno omnes . Unus enim est Deus,
a quo omnia; sed ille aliter, aliter nos; ille, quasi
proprius Filius; nos, adoptivi.
21. Fratres eos . In eo quod dicit: Non erubescit
fratres vocare, ostendit non naturae esse fraternitatem
nostram, sed misericordiae ejus et humilitatis
multae.
22. Ego ero . De suscepto homine hoc est dictum.
23. Et pueri mei . Pueros propter innocentiam nominavit,
de quibus ait Dominus in Evangelio: Sinite
parvulos venire ad me ( Marc . X).
24. LANFR. Pueri . Pueros vocat fideles, sicut in
Evangelio: Pueri, nunquid pulmentarium habetis?
( Joan . XXI.) Et alias: Nisi efficiamini sicut puer iste
( Luc . XVIII). Et Apostolus: Malitia parvuli estote
( I Cor . XIV).
25. Quia ergo pueri communicaverunt , etc. Quia
dederat Pater homines illi futuros honori, et illi,
futuri sui, carne et sanguine compacti erant, placuit
Christo homo fieri.
26. AMBROS. Quia ergo pueri . Ut haberet unde
gustaret mortem pro puerorum salute.
|
|