Stephanus de Sancto Georgio: Epistolae

Pag 18


Bartholomeo Stephanus salutem et in doctrina proficere puerorum.
Cum probatio dilectionis in operis exhibitione consistat, excitans te
exhortor et exhortans excito, quatenus sic cura profectum studii nepotulorum
meorum vigilanter intendas et sollerter invigiles, ut ex ipsorum utilis
et evidentis informationis eventu tam circa morum exercicium, quam
doctrine me in ipsis et ipsos in me pure, non ficte, diligere comproberis.


… affini … affinis, id est Stephanus.
Ecce, pro quibusdam meis negotiis exequendis, mitto illuc … latorem
presentium super hiis, ex parte mea vestrum auxilium petiturum. Propter
quod vos affectuose deposco, quatenus eidem super omnibus, que vobis ex
parte mea verbotenus referet, credentes indubitabiliter tanquam mihi, ea
contemplatione mei sicut expediet consumetis, ut affinitatem vestram in
hiis saltem primitiis experiat fructuosam.

Torna all'inizio