Lanfrancus Ticinensis: In omnes epistulas Pauli commentarii, cum glossula interiecta

Pag 394


sententia, ab eo sic nominatum quod breviter capiat
totius rationis summam. Hoc autem capitulum incipit
ab eo quod sequitur: Talem habemus , Et desinit
ubi dicitur: Non homo .
3. Pontifex . Ad superiorem sententiam redit:
Hoc enim fecit semel offerendo . Quasi diceret: rationis
fuit quod se obtulit, quia omnis pontifex ad
offerenda, etc.
4. Si ergo super terram esset . Ratio cur Christus
seipsum obtulerit, si, inquit, esset super terram
quod pro peccatis totius mundi digne posset offerri,
non esset sacerdos offerre dignus, et ideo mundus
bene obtulit mundo.
5. Coelestium . Coelestia vocat praesentem Christi
Ecclesiam, cujus pars est in coelis; pars secutura
adhuc peregrinatur in terris. Hanc figurabant quaecunque
in sacramentis Veteris Testamenti fiebant.
Sicut alias: Haec omnia in figura contingebant illis .
6. Exemplar . Exemplar vocatur, et illud quod
fit, et illud ad cujus similitudinem aliquid fit, sicut
species, imago, figura, similitudo.
7. Melioris . Melioris testamentum vocat praecepta
evangelica, per quorum observantiam promittitur
vera justitia et vita aeterna, hoc est enim quod
sequitur: Quod in melioribus , etc.
8. Vituperans enim . Probat prophetica auctoritate
quia saeculi locus inquiritur. Quanta autem
locorum et disputationum subtilitate hae epistolae
plenae sint, (licet ipse Apostolus in scribendo non
curaret, ipse enim in sapientia verbi et subtilitate
sermonum se non loqui alias testatur), perspicax lector
poterit invenire. Summa disputationis sic se habet:
Si illud prius culpa vacasset, saeculi locus non
inquireret, vituperans enim , etc. Prius ergo culpa non
vacavit, id est, hominem a culpa perfecte liberare non
potuit, sicut econtra de Novo Testamento dicitur:
Mandatum sine macula ; et: Lex Domini immaculata .

Torna all'inizio