versus Iuvenicum fugerent in Laudexanam, fingentes se
non posse redire versus Mediolanum, ut Laudensibus longe
a civitate remotis ex improviso Mediolanensium exercitus
ipsos extra civitatem comprehenderet. Quibus, ut statuerant,
agredientibus civitatem, cum Laudenses eos persequerentur
acriter, hi, qui supra castellum porte Imperialis
fuerant, versus Mediolanum a parte fossati, quod dicitur de
Paneperdito, precaventes, viderunt quam plurima vexilla
equitum Mediolani venire festinanter. Ortoque clamore
maximo, cum Laudenses non multum adhuc a civitate distarent
et suorum clamorem audirent ac pulvinum maximum
conspicientes post se venire, subito revolutis abenis ad civitatem,
antequam Mediolanenses possent ibi esse, reversi sunt
usque ad portam Cremonensem; ibique cum peditibus et arcatoribus
et balistariis Mediolanenses expectavere. Mediolanenses
vero cum robore magno ac fremitu venientes perque campos
ante civitatem currentes, non fuerunt ausi Laudenses aggredi,
|
1
5
10
15
|