promptis et pronis animis redderetur, qui pro gregis salubri custodia
cotidianas verbi et operis solebat interiectiones apponere, nec pro qualitate
rerum persone laboribus indulgebat – provisionis sancte consilium adhibere
ipsumque ad sponse sue gremium, que viro vivente lugubris signis
viduitatis involvitur, divine pietatis intuitu misericordia vestra remittere
congrua restitutione dignetur.
Domino Pape Capitulum Calvense, per Nicolaum de Rocca.
Digne Deo nostro cum ceteris Christi fidelibus gratiarum devota tributa
persolvimus, digne sibi laudis et glorie cantica resonamus, dum, de
supernis sedibus misericorditer propitiatus in terram sitientium, pectora
diutinis arefacta singultibus uberrimi roris sui sacra nuper aspersione perfudit,
novo super familiam suam ministratore disposito, qui cibum in tempore
tribuat, genua debilia roboret, et manus dissolutas instauret. Expediebat
profecto nos hactenus hoc affectare cum aliis, et iam obtinere cum
aliis generaliter delectamur. Sed id speciali quadam anxietate quesivimus
et singulari fiducia gloriamur obtentum, sperantes ut Calvensis ecclesia,
que capitis sui dolet ad tempus calvata lanuginem, que viro vivente vidua,
vel perdito maritata, dum consortis eiusdem suspirat absentiam, dum
suaves amplexus infra se memorat, dum blandimenta dulcia commensurat,
iam Preside presidum celitus indulto fidelibus, probabili causa debeat
marcoris lamenta deponere, solitudinis deserta traicere et in sinu clementie
vestre, que solamen est omnium, sue iacture remedium dolorisque
solacium reperire. Ad vos itaque, sancte pater et domine, prona mentis et
|
|