DE MATRIMONIO.
Talis coram me notario et testibus infrascriptis, anulando
talem mulierem, recepit eam et in eam consensit
tanquam in uxorem suam, affectu maritali, et ipsa,
consensu talis, recipiendo anulum ab eodem, maritali
affectu recepit eum et in ipsum consensit tanquam in
suum legiptimum virum et maritum; dotis autem confessio,
et uxoris et mulieris desmundio, supra continetur.
DE PROMISSIONE IN CAUSA NON PROCEDENDA.
Vel talis renumtians cause et liti et accusationi quam
fecerat de tali, et cum ipso habebat in tali curia, et
coram tali iudice, per stipulationem promisit, convenit
et pactum fecit eidem I. de ipsa, et in ipsa causa accusationis,
non probare nec testes dare contra eum, vel
aliquam probantiam; et si potestas vel iudex, ex suo
offitio, testes receperi[n]t, et aliquid contra eum dixerint,
vel ipse I. de iure vel per pungnam eosdem testes reprobaverit,
vel voluerit reprobare, non eos vel aliquem
eorum defendet; et promisit se facturum et curaturum
ita quod ipsi testes, vel aliquis eorum, non se defendet,
et si contra venerit vel fecerit, et propterea condempnatus
fuerit, et dampnum evenerit eidem, resarcire et
solvere et expedire, et ipsum exinde indempnem conservare
promisit; alioquin: promisit eidem dare et solvere,
nomine pene, libras tot, et dampna et expensas
resarcire, et post hec ex pacto firma tenere, sub ypotheca
rerum suarum, et ren(umptians) et cetera.
DE FIDEIUSSORE.
Insuper, eius rogatu et mandato, talis fideiubens promisit
ei et cetera, ut supra.
DE TREGUA FACTA INTER HODIALES ET INIMICOS.
Talis et talis, pro se et omnibus suis amicis et consanguineis
et adiutoribus ex parte una, et talis et taliscum
suis adiutoribus, consanguineis et amicis, et omnibus
|
|