Richardus Venusinus: De Paulino et Polla

Pag 156


Hic furit, hic Bacho saxa iubente iacit;
Balbutire facit linguas quandoque disertas,
Bacho plenus egens regna tenere putat.
Ergo mandati ne fines pretereantur,
Paulinum vocitans alloquar ante cibum.
Quo rapior stultus? Numquid non pacificato
Ventre voluntatis est melioris homo?
Ieiunus leviter subitam candescit in iram,
Torvus in effigie colloquioque ferus.
Ieiunum dominum quid ei dicturus adire
Differ: inhumanus tempore degit eo;
Post epulas illum repetas: tua verba libenter
Audiet et votis annuet ille tuis.
Letior omnis homo, postquam manducat, habetur,
Letior ex leto pectore sermo venit.
Accipiendo cibum se confortavit Helias,
Immense peragens milia multa vie;
Confirmat panis hominis cor, teste propheta,
Pocula cor vini letificare solent;

Torna all'inizio