Stephanardus de Vicomercato: Liber de gestis in civitate Mediolani

Pag 93


Crimine purgato, dive relevata vigore
Virtutis, fortique sui medicamine Patris,
Tendit ad antiqui cursum sanata tenoris.
X.
Quam dubio, fortuna, gradu mortalia ludis!
Heu quam precipites humana rotatur in orbes
Conditio! Nunc summa petit, nunc mergitur imis.
Vana quidem pereunt, transitque volatilis etas,
Rebus et innitens robur ruit omne caducis.
Sola manet virtus, puro rutilantior auro,
Ethereos superat radios phebeaque vincit
Lumina, tota nitet divis splendoribus orta
Huic que progenies, quod opus, quo pignore gaudet
Aut que divitie, seu quo dotatur honore?

Torna all'inizio