Stephanus de Sancto Georgio: Epistolae

Pag 58


prospero statu nostro et totius Ecclesie Anglicane, quam gravis admodum
turbationis procella retroactis temporibus conquassavit, supplicum precum
instantia vestre propitiationis auditorium propulsemus sperantes firmiter,
ut inde nobis futuri presidii fructus proveniat quem optamus, unde
fidei christiane dependet universalis cura regiminis et manat, velut a fonte
rivulus, particularis auctoritas dignitatis. Cum itaque, vacante nuper sede
… ecclesie, per translationem … archipresulis, nos considerantes, preterite
turbationis dissidiis lacessiti, quod futurus sue translationis eventus,
cuius persona multis gratiarum meritis et multiplicium virtutum titulis
insignitur etc., et qui temporibus … murum se prebuerit firmitatis, Beatitudini
vestre, omni devotione qua possumus, flexis genibus supplicamus,
quatenus considerantes etc., et considerationis vestre aciem dirigentes
nobis, dignemini exauditionis ianuam aperire, quos non privata, sed communis
inducit utilitas.


Thesaurarius regis Anglie magistro B. de Neapoli, per Stephanum.

Torna all'inizio