n. 57
Ad pacandum motum et animum principis quem
aemulorum invidia detractionis contra nos flatibus reddidit
inquietum, cum exeniis placidis verbisque suasibilibus
ad curiam sine morae diffugio dirigi providimus
gressus nostros, summopere admonentes ut si qua in
regis curia nuper de statu Siciliae fuerint innovata, vigili
nobis studio per vestras litteras intimetis. Quare donec
ex hiis nobis certitudo facta non fuerit, secundum intersigna
Messanae condicta, abesse non disponemus nec
audemus.
|
|