in sancta permaneat Ecclesia illud commcndavit. Quapropter
nemo respuat quod statuit habens regni celestis clavem, quoniam
lingua pacifici fidelisque apostolici clavis est perpetua cęli,
ut quę solvenda sunt solvat, et alliget quę sunt liganda. hanc
denique clavem beatus Petrus eiusque vicarii susceperunt ab eo
qui claudit et nemo aperit, aperit et nemo claudit. et sicut credimus
sanctam Ecclesiam a domino Christo supra firmam petram
edificatam, sic confitemur beati Petri vicariorum firmissima per
omnia esse debere statuta. ergo sicut Ecclesia Christi non potest
a procellis subverti, ita nullo modo debent transgredi discrcte instituta
viri apostolici. nam quicumque ea quę propter unitatem
fidei et concordiam pacis sanctęque stabilitatem Ecclesię pontifex
apostolicus instituerit contemnere satagit, firmissimam petram Ecclesie
conatur subvertere, ideo iudicium Dei non effugiet. nec
aliquis etiam pontificum successorum quęcumque eius anterior
disposuerit ob sanctę Ecclesię quamcumque utilitatem debet evellere,
quoniam si exorbitaverit a patrum itinere priscorum et dissimilis
fuerit a rectitudine eorum, non verus pastor sed pręvaricator
estimabitur in regno celorum, quia nititur solvenda claudere
et claudenda solvere, immortales animas necare et mortales vivificare,
propter quod carebit honore cathedrę divinę, et numquam
sui poterit esse firmus constitutor qui alieni extitit monimenti
promptus violator. denique cunctorum Sanctorum auctoritates
infames esse notant piarum legum destructores. hinc vero referendum
est quod plurimi insipientium dicentes fatentur: antiquorum
statuta moderni destruere possunt, quoniam uti nos et
illi homines fuerunt. o quam detestanda pręsumptio, quam abhominanda
dictio, quam exsecranda blasphemia ! blasphemat hic
in Sanctos, immo contra Spiritum Sanctum, quorum munere cęlestia
docuerunt, iccirco lapidibus vivis, idest sanctorum sententiis
patrum est puniendus sive obruendus. si enim autenticorum
patrum statuta subverti vel destrui possunt, doctrina Petri ac Pauli
ceterorumque Sanctorum pro nichilo duceretur, et a quocumque
hiereticorum penitus destrueretur. quod si illa perpetuo firmitatem
accepit, dicente enim Domino: « Tu es Petrus et super
hanc petram edificabo Ecclesiam meam, et portę inferi non
|
|