Sicardus Cremonensis: Chronica universalis

Pag 80


Ptlomeus Dionisius aput Egyptum regnavit an[nis] XXX. Aput Iudeos Alexandra
mortuo viro regnavit an[nis] VIIII, que primogenitum Yrcanum declaravit pontificem. Temporibus
Dionisii orta est heresis Phariseorum. Aput Romanos Albanorum civitas capta est
occasione civilis belli premissi, et bellum gladiatorum fuit in Campania. Post hec
nova bella consurgunt in Hyspania, in Pamphilia et in Cecilia, in Macedonia, in Dalmatia; de
omnibus triumphavere Romani. Nicomedes rex Bythinie populum Romanum heredem
instituit. Lucullus Metridatem iterum insanientem Bizantium, que nunc est Constantinopolis,
fugavit et oppressit. Interea novum bellum in Italia oritur, non levius bello
Anibalis. Lucullus victa Armenia, Mesopotamia et Nisibi capta primus imperator est appellatus.
Alter Lucullus capta Cabile et ceteris urbibus de Besis triumphavit usque ad Danubium et de
profugis in Rodopeiis montibus et multis aliis. Confecto bello Macedonio, adhuc manente
Metridatico Creticum reparatur, ad quod Metellus missus cepit universam provinciam;
unde Creticus est appellatus. Hisque temporibus Marcus Portius Cato stoychus philosophus
agnoscitur. Defuncta Alexandra Yrcanus filius Alexandri et Alexandrae sedit in sede
pontificali aput Iudeos an[nis] XXXIIII; quem multum persecutus est Aristobolus frater
eius; sed Yrcani consiliarius erat Antipater Ydomeus, cuius consilio fugit Yrcanus ad
Aretham regem Arabum, qui venit in Iudeam, obsedit Iherusalem. Audiens ergo Pompeius,
qui erat in Armenia, dissensionem fratrum, ascendens Iherusalem cepit, templum profanavit
et equos, ut dicitur, in porticibus stabulavit. Ob quam rem dicitur, quod, qui fuerat
in preliis fortunatissimus, post hec fuit infortunatus. Pompeius itaque Ierosolimis
tributum imposuit, Yrcanum pontificem confirmavit, Aristobolum captivavit, et rediens
Romam, administrationem Syriae et Iudee Scauro conmisit. Hic est qui Hyspaniam, Albaniam,
Armeniam, Asyam, Syriam, Lusitaniam, pyrratas, Metridatem et Iudeam subiugavit;
unde imperator est appellatus. Sed Catillina contra patriam coniuravit, qui demum in agro
Piceno cum suis confussus est. Postmodum Gabinius Scauro succedens gentem
Iudeorum per pentarchias, id est V conventus, divisit. Sub Gabinio militabat Marcus Antonius.
Gabinio successit Crassus factus preses Syriae; qui ut Parthos comprimeret, templum auro
expoliavit; quo merito auro in os infuso interiit; cui successit Cassius. Iulius vero
Cesar de Germanis, Gallis, Britanis triumphavit et omnes inter Renum et Rodanum et Alpes
usque occeanum subiugavit. Apius rex populo Romano Lybiam testamento concessit.
Eisdemque temporibus Virgilius in pago qui dicitur Andes iuxta Mantuam
nascitur, qui postea Cremone studuit, Mediolani togam induit et inde Romam venit.
Oratius Venusi nascitur. Appollodorus Grecus orator, Titus Livius storicus et Curio promtus

1



5




10




15




20




25




30


Torna all'inizio