auxilio penitus destitutus, quarto nonas Martii viam universe carnis
intravit.»
«A dolore cordis et mentis tristitia stillus meus
sumit quoniam venerabilis fratris vestri obitum magistri
videlicet Alberti, vobis cogor intimare qui propter suas
multiplices bonitates ab omnibus amabatur.»
23 In principio huius epistole salutem vobis optavi, sed salus per
quam ab omnibus amabamini est penitus extincta, quia dilectus
filius vester qui multiplici scientia imbutus ab omnibus amabatur,
et modo nonas Madii de hoc seculo ad aliud vocante Domino
emigravit.»
24 Sic potest aliquis exordiri quando non vult referre alicui grates.
«Ad referendas vobis gratiarum actiones desunt loquele, et
verborum positiones non valeo aliquas invenire pro quibus
vestre paternitati pro beneficiis michi a vobis collatis valerem
gratias referre, sed Dominum humiliter rogo qui est bonorum
omnium retributor, ut hic et in futuro dignum vobis premium
retribuere dignetur.»
«Novas verborum positiones non valeo aliquatinus invenire
per quas vestram possem benivolentiam captare et grates
convenibiles propter plura beneficia vestre paternitati referre,
sed homnipotentem humili prece deposco ut meum suppleat
defectum, et dignum pro collatis meritum retribuere
dignetur.»
«Non sunt loquele neque sermones quibus convenienter
paternitati vestre valerem gratias pro beneficiis michi collatis
referre, sed Domino humiliter precor ut meum dignetur
supplere defectum et vice mea premium vobis reddat.»
25 Sic filius patri:
«Paternitati vestre gratias refero copiosas eo quod me super
sincera dilexisti caritate, et que ad meum spectarunt honorem
|
|