paratum, ut amodo et semper, pro statu sanctorum imperatorum,
et illorum mercede, vos et vestri successores omnia, que superius
leguntur, firmiter et securiter possideatis. et nullus homo
presumat de sua civitate qualemcumque monachum, a maiore usque
ad minimum, de predictis monasteriis de suis habitacionibus foras
eicere, aut quamlibet novam consuetudinem super eosdem monachos,
et eorum monasteria, et in omnibus eorum pertinenciis inducere,
aut facere, pro eo quod vos monachos de predictis venerabilibus
locis die noctuque pro sanitate, et prosperitate invictissimorum
imperatorum, et pro omni illorum exercitu dominum Deum exoratis.
pro quo hanc entilma in illorum mercede vobis firmamus
predictorum abbatis et eius prepositi in parte, ex vestra monasteria,
et ad vestris successoribus. et innotescimus ac protestamur vos
christianos omnes, qui fideles estis, et oratis pro sanctissimis imperatoribus,
tam episcopos omnes Domino servientes, quam et protospatharios,
et spatarios, candidatos, cartularios, et protonotarios,
tomarcos, armenos, grecos, seu longobardos gastaldeos, et omnibus
hominibus precipimus, qui fideles sunt Dei, et sanctorum
imperatorum, videntes et cognoscentes istam nostram entilma, ut
sic ipsa pleniter observetis, et firmiter ea adimpleatis, sicut supra
omnia continet, et quomodo pro statu sanctorum imperatorum ad
hec tria prescripta monasteria firmavimus. Et qui ista[m] entilma
non observaverit, aut firmiter ea[m] non adimpleverit, sciat se esse
dapmnatum, contepmtor et offensor Dei, et sanctorum imperatorum,
et statim omnes res illius in palacio sanctorum imperatorum
deveniant, insuper et Dei iram, et nostram superinductam, et magnum
patibulum sciat se sustinere. Quam vero entilmam nostram
vullavimus cum vulla nostra plumbea mense augusto decima
indiccione.
|
|