Pag 90

hora pons machine Marchesii supra murum castri
Creme iactatus foret, quod ipsi omnes principes et equites
per pontes extemplo currentes viriliter robusteque hostes
invaderent et cum ipsis fortiter pugnarent; quod totum si
bene peregissent, ut eos instruxerat imperator, castrum tunc
captum fore dicebatur. Bello itaque sic ordinato signoque
etiam dato et pontibus supra murum castri proiectis, prefatus
frater imperatoris cum suis equitibus per pontem castelli usque
supra murum castri progrediens viriliter Cremenses invasit.
Sed alii principes et equites, qui per pontem, quem Marchesius
supra murum castri iactaverat, ita viriliter sicut debuerant
non cucurrerunt. Cremenses autem, qui subtus suas machinas
stabant intus iuxta murum, predicto duci eiusque militibus
occurrentes optime se defenderunt. Sed quidam vexillifer
ipsius ducis, nobilissimus atque fortissimus miles, de
muro castri se in terram proiciens in medios Cremenses,
putans omnes alios se subsequentes similiter facturos, magnum
prelium cum ipsis Cremensibus super ipsum irruentibus fecit
ac ab eis, prout solus fuerat, mirabiliter diu se defendit.
Sed, sicut veteri proverbio dici solet, quod unus contra septem
male poteste tondere messem, hic, licet fortissimus, tante