Capitulum XI
DE SALUTACIONIBUS INTER AMICOS ET SOCIOS
Amicis potest scribi secundum maioritatem et minoritatem, videlicet
inposicio, comparacio et superlacio. Ita hic triplicem gradum amicicie
subdistingue, et eligas tu igitur, dictator, ex hiis diversis implicanter
que condicioni et statui videris convenientibus expedire.
1. Inter amicos et primo amicicie gradu
Amabili socio, vel amico suo .C.; vel sic: Honorabili et dilecto amico
.C.; vel sic: Amando sibi et honorando non parum, vel diligendo sibi
pro debito tali, vel suo speciali socio et amico tali, vel amabili sibi et
debita racione connexo .C. .B. salutem et prosperum in amicicie fundamento
processum, vel salutem et sincere dileccionis affectum, vel salutem
et successus ad vota felices, vel perpetue felicitatis augmentum, vel
salutem et prosperos ad vota successus, vel salutem et verum amorem,
vel salutem et honoris augmentum, vel salutem et felicium inerementa
bonorum, vel salutem et cuncta felicia, vel salutem et amorem sincerum.
2. Qualiter scribitur pluribus
Amicis suis intime diligendis, vel intime sibi dileccione astrictis, vel
plurimum peramandis amicis talibus talis, vel tales, salutem et augmenta
felicium, vel intimi amoris affectum, vel seipsos ad omnia genera
mandatorum, vel prosperis habundare successibus, vel salutem et optate
felicitatis ottentum, vel salutem et amoris perpetui firmitatem.
3. Inter amicos secundo gradu
Cum vero striccior fuerit amicicia, ita dices: Amico suo intimo et
sincero, vel precipuo socio atque caro, vel amicissimo sibi tali, vel precordiali
amico suo tali, vel carissimo sibi ac tenere predilecto .C. .D.
salutem et omne bonum, vel salutem et animum sincerum in dileccione,
vel salutem et prospera obtineri, vel salutem et placide alacritatis eventum,
vel salutem et animum ad commoda semper pronum. vel salutem
et corporee revisionis eventum, vel cum perenni felicitate salutem, vel
salutem et sinceri cordis amorem, vel salutem cum promptitudine serviendi,
vel salutem et amicicie constantis effectum, vel se ad grata servicia
cum salute, vel salutem et habitum prosperitatis ad vota.
4. Inter amicos supremo gradu
Si vero superlativa fuerit amicicia, poterit ita dici: Indissolubilis
amoris sibi astricto compagine .B. .C. salutem et quidquid salute carius
|
|