34 Rex ita salutat unumquemque suum vassallum: premittit
nomen suum et dicit sic:
«Leo Dei gratia [rex] Ungarie, dilecto fideli suo B. salutem
et suam gratiam.»
35 Comites, duces, marchiones sic se ad invicem salutant. Quidam
comites sunt qui dicuntur comites palatini:
«Nobilissimo viro domino R. Dei gratia comiti Fundano, I.
Frangipani eadem gratia Romanorum consul et sacri palatii
Laterani comes salutem cum sincere dilectionis constantia.»
36 Et nota quod omnes nobiles Romani vocant se 'consules
Romanorum', sed illi qui sunt de nobilissima gente Frangipani
vocant se 'consules Romanorum et comites palatii Laterani' in
salutatione:
«Magnifico et inlustri viro I. Dei gratia comiti palatino, A.
de Un... salutem cum dilectionis augmento.»
37 Si fuerit amicus eius, dicet 'amico karissimo'. Quidam vero
dicunt 'imperiali aule comes', quidam 'Dei et imperiali gratia
comes'
«Strenuissimo viro C. Dei gratia Astensi marchioni, H. Dei
et imperiali gratia dux salutem.»
38 Et nota quod unusquisque, sive sit vasallus eorum sive non, ita
potest salutare predictos, mutatis que mutanda sunt convenienter.
39 Romanus senator premittit nomen suum quando scribit fidelibus
Romane diocesis sic:
«C. Iohannis Leonis Rainerii a Dei gratia alme urbis
illustris senator, dilectis fidelibus et amicis consulibus
Signinis salutem.»
40 Consules civitatum, castrorum, villarum, et burgorum sic salutant
|
|