[3] Item quod nullus magister debeat recipere scolares alterius magistri
in scolis suis ultra quactuor vices invito illo cuius scolares fuerint,
et si intraverint scolas alicuius per unam ebdomadam etiam, dicantur scolares /
eius, et eos postea non recipiat. Quod si aliquis contra fecerit /
teneantur solvere illi cuius scolares fuerint decem solidos pro doctrina et
tres solidos pro scolis, et rectori solvat pro banno V solidos.
[4] Item teneatur quilibet magister facere ad minus tres collectas,
unam pro scolis, aliam pro doctrina et tertiam pro bedello ante nativitatem,
Domini.
[5] Item teneantur magistri convenire semel in quolibet mense in
loco convenienti et quotiens requisiti fuerint per bedellum ex parte rectoris, /
et qui non venerit solvat quinque solidos; nisi licentiam et verbum
standi habeat a rectore.
[6] Item teneatur quilibet magister non intrare ad lectiones ordinarias
quandocumque preceptum fuerit per bedellum ex parte rectoris, sub
banno V solidorum.
[7] Item teneantur repetitores omnes scolares audituros lectiones que
leguntur in scolis ducere ad scolas, et non facere pactum de mercede /
magistri, sub pena X solidorum quos solvat rectori.
[8] Item nullus audeat legere ordinarie in civitate Aretii nec in gramatica
nec in diale(c)tica nec in medicina, nisi sit legittime / et publice
et in generali conventu examinatus et approbatus et licentiatus quod
possit in sua scientia ubique regere.
|
|