23. AUGUST. (serm. 18 De verb. Domini , cap. 20).
Immundum ne tetigeritis . Quid est tangere immundum,
nisi consentire peccatis? Quid est autem exire
inde, nisi facere quod pertinet ad correptionem
malorum?
CAP. VII.—1. AMBROS. Neminem laesimus . Pseudo
enim apostoli nocebant illis, corrumpentes sensus
illorum circumventione astuta.
2. LANFR. Non ad condemnationem , id est, non
propterea commemoro, ut callide dicam vos fecisse,
quod me fecisse nego.
3. Praediximus enim . Superius dixit: Epistola
nostra vos estis, scripta in cordibus vestris .
4. AMBROS. In cordibus nostris , id est, participes
vult eos habere, et ad praesentes passiones pro Christo
et ad futuram vitam.
5. Multa mihi fiducia . Fiducia haec de primae Epistolae
correptione est, quam quia non aspere susceperunt,
fiduciam dederunt admonendi se.
6. Foris pugnae . Pugnae enim erant corpori, dum
caedebantur; animo timores. Illic enim timor, ubi
intellectus est. Sed hic timor propter credentes, ne
passione ejus scandalizarentur.
7. LANFR. Intus timores . A falsis fratribus; vel,
ne passio mea perterreret fratres, id est, metuens
ne conversi noviter, videntes afflictionem nostram
ad suum, id est, qui fuit Judaeus, ad judaismum,
gentilis ad gentilitatem converterent.
8. AMBROS. Referens nobis . Nuntiavit Titus desiderium
|
|