a nuntiis imperatoris accepissent, plenariam inde iusticiam
ab imperatore susciperent in laude sapientium Longobardie.
Quibus Veronam profectis convocatisque tam sapientibus
Verone quam de Marchia, sicut imperator eis
imposuerat, ibi retulere. Ibique multis vicissim factis orationibus
postremum diem veniendi Papiam ad imperatorem
inter se statuere. Cumque Papiam coram imperatore venissent,
de concordia inter se ac imperatorem diu tractatu habito,
tandem imperatori iusticiam facere sub nulla potestate volentes
recesserunt.
Dominus vero papa Victor die Lune, que fuit ...
dies mensis Aprilis civitate Luce fati munus impleverat.
Pro cuius sanctis meritis dicitur Deum multa miracula ibi
fecisse. Deinde in locum ipsius dominus Guido Cremensis substituitur
et a cardinalibus, qui ibi fuerant, et a domino Rainaldo
archicanzellario ac ab episcopo Laudensi et aliis quibusdam
episcopis in apostolice sedis honorem sublimatus est.
Proximo vero mense Iunio profectus est imperator cum
militibus civitatum Longobardie ac paucis Teutonicis usque
|
1
5
10
15
|