Gaufridus: Summa de arte dictandi

913


Hos a Gaufredo, ueneranda Bononia, cultus
Semper habe, gratumque geras quod gratia pandit.
Non merces, nec enim mercator spargere ueni
Venales titulos: gratas tibi dedico grates,
Exiguum exiguo natum de cespite florem.
Ac tu quisquis habes alium dictaminis usum
Materiasque rudes meliori pollice ducis,
Parce, precor, nec opus tua suffocet ira nouellum:
Nulla etenim tenuem laus est euellere plantam,
Nec decus est minimis iacturam infligere rebus.

Torna all'inizio