"uinum, uillum", "ouina, ouilla", et "paulus, paula, paulum,
paululus, paulula, paululum" et "pauxillus, pauxilla, pauxillum"
(unde "pauxillulus, pauxillula, pauxillulum"), "uelum, uexillum",
"mala, maxilla", "talus, taxillus", "palus, paxillus", "qualus" etiam,
"quasillum". 25 Excipiuntur quoque de superioribus feminina in
ra , que non fiunt a masculinis, nec habent ante r aliam consonantem,
ut "ara, arula", "terra, terrula". 26 Excipiuntur adhuc neutra
habentia g ante n , "tignum, tigillum", "signum, sigillum". 27
Sciendum uero quod in ellus uel in illus finita, si a trissillabis formantur,
pares habent sillabas, ut "catulus, catellus", "geminus, gemellus",
"misera, misella", exceptis habentibus aliam consonantem
ante n , que addunt unam sillabam, sicut et dissillaba, ut
"columna, columnella", "tignum, tigillum". 28 Alia uero sillaba
crescunt, ut "agnus, agnellus", "liber, libellus", "paulus, pauxillus",
exceptis que ante n non habent aliam consonantem: "bonus,
bellus", "uinum, uillum", "unus, ullus" et "pannus, panniculus".
|
|