Pag 324

Qualiter quidam pictor missus a regina Candace ad Alexandrum
eius figuram depinxit in membrana etc.
Inter ipsos siquidem misso, quos regina Alexandro direxit,
misit pictorem peritissimum, qui diligenter consideraret
forman Alexandri et depingeret eamque sibi depictam adduceret.
Factumque est. Alexander autem receptis donis nuncios multipliciter
honorauit. Redeuntes itaque missi Candacis regine
obtulerunt ei figuram Alexandri in membrana depictam, quam
cum uidisset Candacis regina, gauisa est ualde etc.
Qualiter Alexander recuperauit uxorem Candeoli a rege
Bebricorum etc.
108. Post hec unus ex filiis Candacis regine nomine Candeolus
exiuit cum uxore sua paucis comitantibus, ut eorum
animi gratularentur. Statim occurrit eis rex Brebicorum sciens
pulchritudinem uxoris eius; ueniens cum maxima hostium multitudine
ex eis plurimos interfecit. Et uxorem Candeoli rapuit
uiolenter. Ille uero Candeolus cum paucis remanens abiit ad
castra Alexandri sperans ipsum rogare, ut sibi dignaretur contra
regem Brebicorum iuuamina impertiri. Custodes uero castrorum
capientes illum coram Tholomeo, qui secundus erat Alexandro,
statuerunt. Cui Tholomeus ait: "Quare huc uenisti?" Illi autem,
qualiter oppressus fuit a rege Brebicorum et qualiter sibi uxorem
abstulerat, retulit statim. Cum hoc audisset Tholomeus, iussit
illum iuuenem detineri et exiens de tentorio suo abiit ad
templum, in quo Alexander dormiebat. Et erat iam nox obscura.
Et retulit ei, que sibi Candeolus recitauerat. Quo audito Alexander
dixit ei: "Reuertere ad tentorium tuum et impone
capiti tuo coronam et sede regaliter circumfultus et te Alexandrum
diiudica et precipias, ut coram tua presencia ueniat Anthiochus
et mittas pro me. Ego autem speciem Anthiochi ad te destinabo
et ante presenciam tuam uenero cum eo. Cunctaque, que
ipse retulit, michi declarabis et post hec interrogabis sub Anthiochi
persona, ut quid exinde facere debeas, consulendo declara!"
Abiit itaque Tholomeus et cuncta, que Alexander iniuxerat,
adimpleuit. Et interrogans Alexandrum, ut quid inde facere
promulgaret, respondit Alexander astante Candeolo: "Maxime
imperator! Si placet maiestati uestre, ibo cum iuuene isto et
ex parte uestra iniungam regi Brebicorum, ut sibi uxorem suam
restituat sine mora; quod si non fecerit, ciuitatem suam ignibus
incendemus." Audiens hoc Candacis, statim adorauit eum et
dixit: "Sapientissime Anthioche! Decet te regali dyademate
fungi." Exiens inde cum Candeolo, hora noctis ciuitatem regis
intrauit. Qui cum interrogati essent, Alexander respondit: "Imperat
uobis Alexander, ut uxorem faciatis Candeolo restitui;
sinautem, ciuitatem uestram ignibus incendemus, si expectaueritis