Pag 285

1160. ind. 8. In hoc anno Fredericus imperator dextruxit Cremam, et totam fecit
cremare, et possedit Placenzam et Mediolanum.
1160. ind. 8. Alexander III. sedit annis 22 duobus diebus minus, et cessit die 7. Hic venit
Anagniam, et acquisivit totam Campaniam et misit in suo iure. Hoc anno ordinavit Flaimundum
monachum de monasterio Casaemarii in Verulana ecclesia; 6. Nonas Octobris ordinavit
Rodulfum presbyterum et consecravit eum episcopum in Ferentinensi ecclesia. In
eodem mense accepit filiam comitis Berardi de Albe Andreas comes Comini in coniugio.
Praedictus Berardus dedit comiti Andreae pecuniam, ex qua recuperavit terram suam. Insuper
et dedit ipsi totum dominium terrae suae, et ivit in Cominum, et spoliavit Sclavos.
Et postea perrexerunt in terram sancti Vincentii, et cremaverunt plures villas. 6. die intrante
mense Madio apparuerunt 3 soles. Idibus Octobris fuit terrae motus magnus. Hoc
anno episcopus Narniae ivit per episcopatum Ferentinensem, et chrismavit pueros.
1161. ind. 9. Hoc anno 17. Kal. Februarii in aurora fuit ingens terrae motus. Comes
Robbertus invasit terram usque Tarrentum. Comes Andreas relicta terra ivit Constantinopolim,
et multi comites coniunxerunt se comiti Roberto.
1162. ind. 10. in mense Martio imperator Heinricus accepit Mediolanum.
1162. ind. 10. Alexander papa ivit in Franciam. In mense Martio venit rex Guillelmus Siciliae,
et vicit comitissam Cathenientium, et cepit Tabernam et multi comites ammissis terris fugerunt.
Quos persecutus est exercitus regis usque Abbrutium, cui praeerat Riccardus Ysaiae;
et rex venit in colle Aponis, et constituit milites in montem Casinum in custodiam. Et
misit comitem Lauri cum exercitu, et ceperunt montem Archanum et uxorem comitis
Riccardi et multos, qui ibi inventi sunt. Comes Gregorius Ceccani obiit, et episcopus Landulfus
de Sora obiit in Arpinum.
1163. ind. 11. Hoc anno 3. Non. Ian ventus evertit domos et arbores quam plurimas.
1164. ind. 12. Hoc anno Victor papa obiit mense Aprilis apud Luccam civitatem, et
elegerunt domnum Guidonem cardinalem in papam Paschalem. Eodem anno ecclesia
sanctae Mariae de caritate ab Alatrinis et a Frusinonibus cremata est et ibi multi servientes
regis Siciliae mortui sunt et combusti.
1165. ind. 13. Cristianus cancellarius et comes Gonzolinus ceperunt Maritimam et
Campaniam, praeter Anagniam quam devastaverunt, et incenderunt Cisternam et Castrum,
et fecerunt iurare totam terram ad fidelitatem Paschalis et imperatoris; et sic redierunt in
Tusciam. Post reversionem illorum comes Gilibertus et Riccardus de Esaya venerunt cum
exercitu regis Siciliae; et intraverunt in Campaniam, et Verulani se reddiderunt; postea
possederunt cum Romanis Aletrum, Ciccanum et Arenariam, et non potuerunt illam
capere. Et sic intraverunt in vallem Sancti Laurentii, et incenderunt castrum Sancti Stephani
et Prossei, et unusquisque postea rediit ad propria. Hoc autem anno Ripe, Turrice
et castrum Sancti Laurentii et Insula cremata sunt et Alesander papa reversus est Romam
1166. ind. 14. Guilelmus rex obiit mense Madio, et filius eius Guilielmus successit
in regnum cum matre sua Margareta regina. Et eo anno obiit Raynaldus Casinensis abbas,
et domnus Theodinus de Scarpa electus est in abbatem. Comes Andreas intravit terram
regis Siciliae cum comite Riccardo, et obsederunt Pastinam, et non potuerunt eam capere.
Tunc perrexerunt ad Picani, et incenderunt eum, et ceperunt Itrum et Traiectum, et reversi
sunt Ceccanum, et milites regis incenderunt Traiectum.
1167. ind. 15. Hoc anno 7. Kal. Ianuarii Arenaria incensa est. Hoc anno mense Madio
cancellarius imperatoris Frederici venit super Romanos cum grandi exercitu, et pugnavit cum eis 3. Kal. Iunii, in
qua pugna fuerunt mortui de Romanis sex millia, et capti multa millia. Deinde praedictus cancellarius devastavit
et obsedit Romam. Ipso mense Simon de Sorella devenit homo regis Siciliae, cui
concessa est tunc Sorella et Sora et Pesclum Sodolum et Broccum. Deinde iussit reaedificare
Soram. Ceperunt omnes homines qui fuerunt ex ea ibidem reverti. Imperator Fredericus
venit Romam et obsedit eam. Papa autem Alexander ob metum imperatoris per
flumen Tiberis exivit de Roma, et ivit Beneventum. Romani autem cum vidissent impetum
imperatoris non posse se sufferre, fecerunt illi fidelitatem, et dederunt illi obsides praeter