MLXVII, cum idem papa iret ad synodum quam Mantuae celebravit, Mediolanum
venit multaque fecit statuta de statu Mediolanensis populi et cleri
beatumque Arialdum sanctorum martyrum catalogo annotavit.
78. Postea vero anno Domini MLXXXXVI Anselmus de Buis archiepiscopus
Mediolanensis corpus beati Arialdi ab ecclesia sancti Celsi ad basilicam
sancti Dionysii cum multis miraculis transtulit, ubi tales sunt versus:
Martyr levita iacet hac Arialdus in urna
Truncatus moritur sed vitae dona meretur
Hoc manseolo reverenter condita digno
His geminis causis Arialdus passus ab istis
Martyr in ecclesia levita reconditur ista
Transtulit Anselmus pastor venerabile corpus.
|
|