81. Philosophia est subiectum, per quod intellectus se contrahit
ad omnes scientias.
82. Geometria est ars, inuenta ad mensurandum lineas, angulos
et figuras.
83. Astronomia est ars, cum qua astronomus cognoscit uirtutes
et motus, quos caelum habet in inferioribus effectiue.
84. Arithmetica est ars, inuenta ad numerandum multas unitates.
85.
Musica est ars, inuenta ad ordinandum multas uoces
concordantes in uno cantu.
86. Rhetorica est ars, inuenta, cum qua rhetoricus ornat et
colorat sua uerba.
87. Logica est ars, cum qua logicus inuenit naturalem coniunctionem
inter subiectum et praedicatum.
88. Grammatica est ars inueniendi modum recte loquendi
recteque scribendi.
89. Moralitas est habitus ad agendum bonum siue malum.
90. Politica est ars, cum qua burgenses procurant publicam
utilitatem ciuitatum.
91. Ius est actus, regulatus in homine, de iustitia habituato.
92. Medicina est habitus, cum quo medicus procurat sanitatem
patientis.
93. Regimen est forma, cum qua princeps regit populum suum.
94. Militia est habitus, cum quo miles iuuat principem, ut
iustitiam possit tenere.
95. Mercatura est habitus, cum quo mercator scit emere et
uendere.
96. Nauigatio est ars, cum qua nautae per mare sciunt nauigare.
97. Conscientia est forma, cum qua intellectus affligit animam
de commissis.
98. Praedicatio est forma, cum qua praedicator informat
populum ad habendum bonos mores, euitando malos.
99. Oratio est forma, cum qua orans loquitur Deo sanctifice.
100. Memoria est ens, cum quo entia sunt recolibilia.
|
|