Pag 159

Anno Domini DCCCCLXVI. secundus Otto aput Romanos regnavit an[nis]
XXVIII. Cuius temporibus Leoni pape successit Iohanne qui a prefecto Urbis
captus et in Campaniam in exilium missus fuit, sed imperator de persecutoribus supplicium
sumens et apostolicum restituens vindicavit. Iohanni successit Benedictus, qui
quoque a Cinthio Theodore filio captus, in castro Sancti Angeli retrusus et strangulatus est.
Benedicto successerunt Bonus, itemque Bonus et Bonifacius, Benedictus et Iohannes,
qui in castro Sancti Angeli fame afflictus mortuus est. Rursus Iohannes, itemque Iohannes,
Gregorius, post quem Iohannes, Silvester Iohannes aliusque Iohannes. Hisque temporibus
Liuthprandus Cremone fuit episcopus.
Anno Domini DCCCCXCIIII. tercius Otto aput Romanos regnavit an[nis] VI.
Cuius temporibus terre motus per X dies totam Ytaliam agitavit. Eiusque temporibus
venerabilis Odelrigus Cremone fuit episcopus, qui archam beato Ymero fabricavit
et corpus sancti Gregorii martiris Cremonam de Spoleto portavit et
ecclesiam sancti Laurentii, quondam capellam foris murum civitatis, edificans in
monasterium instituit et ditavit.
Anno Domini millesimo primo defunctis Ottonibus absque heredibus Henricus Claudus
dux Noricorum, id est Baiguarorum, eligitur a principibus; qui regnavit an[nis] XXIIII, imperavit
autem an[nis] XI, qui multa prelia vicit. Cuius temporibus Iohanni pape
successerunt hoc ordine: Sergius, Benedictus, Iohannes et Benedictus, qui eiectus fuit de
papatu, et Silvester substitutus; sed et hoc eiecto Benedictus substituitur; quo rursus
eiecto Gregorius substitutus est, quem imperator Henricus deposuit et ultra montes