Sub vitem proeliari dicuntur milites, cum sub vinea militari
puguant. Lucilius(960): “Neque prodire in altum,
proeliari procul sub vite.”
Sub vineam iacere dicuntur milites, cum astantibus centurionibus
iacere coguntur sudes.
Supparus vestimentum puellare lineum, quod et subucula,
id est camisia, dicitur. Afranius (123): “Puella non sum,
supparo si induta sum.”
Supat iacit, unde dissipat disicit, et obsipat obicit, et insipat,
hoc est inicit.
Sutelae dolosae astutiae a similitudine suentium dictae.
Suspectus et a suspicor venit et a suspicio.
|
|