XLVI. – DE FESTIS CELEBRANDIS.
Item statuerunt et ordinaverunt quod aliquis victuralium
non debeat portare, levare nec capere aliquam ballam vel mercantiam
in festivitatibus videlicet principalibus diebus dominicis,
Beatae Marie virginis et duodecim apostolorum et beati
Georgii Martiris et in omnibus aliis festivitatibus quae fuerint
praeceptae per sanctam matrem ecclesiam et quae habuerint
octavam sub praedicta poena.
XLVII. – DE BALLIS NON PORTANDIS SINE DANARIIS.
Item statuerunt quod partitores non possint nec debeant
percipere aliquam ballam vel mercantiam victuralibus si non
sunt danarii praesentes ad solvendum incontinenter victuralibus.
Et quod ipse mercator qui habuerit denarios in praesenti
vadat ante si vult solvere incontinenti si praecedens mercator
non habeat denarios ad solvendum. Salvo quod si victuralis
portaverit et expectaverit de sua voluntate.
XLVIII. – DE SIGNIS FACIENDIS SUPER BALLIS.
Item statuerunt quod quilibet victuralis faciat et facere debeat
suum certum signum de nigedo super suam ballam vel
mercantiam de volta sua in intus antequam duxerit sub praedicta
poena.
XLIX. – DE BALLIS CERNENDIS.
Item statuerunt quod aliquis victuralium non possit nec
debeat capere, cernere nec mittere in parte ballam aliquam vel
mercantiam quae vadat pro partita scilicet de ballis in foris.
Et qui contrafecerit ille victuralis non possit nec debeat ipsam
vel ipsas capere et ducere nisi pro suis equis tantum et non
ultra sub poena praedicta.
L. – DE BALLIS NON DIMITTENDIS SINE LICENTIA.
Item statuerunt et ordinaverunt quod aliquis victuralium
non possit nec debeat dimittere nec descaregare aliquam ballam
vel mercantiam in aliqua parte vallis Diverii nisi ad sostam
vallis Diverii, nec a ponte de Crevola inferius praeter de
illis in intus possint portare ubi voluerint si habent licentiam
a mercatore qui ducent ipsas ballas. Et hoc per pubblicum
scriptum mercatoris factum tali modo quod comune praedictum
non habeat damnum aliquod sub praedicta poena.
|
|