LXXXVIIII.
Item alia de subdito ad prelatum.
Ad Dei honorem et vestrum studens in iure canonico
et civili, necessitate urguente, vestrum cogor auxilium et
consilium postulare. Cum itaque alias non teneamini, vos de
gratia tantum rogo, quatenus in aliquo de partet beneficii quam
presens reciperem, in absentia succurratis, ut fructus quem
de scientia reportabo vobis assistat utilis et appareat
glotiosus.
LXXXX.
De prelato ad subditum.
Henricus divina miseratione Bononiensis episcopus dilecto
in Christo filio presbitero Alberto talis loci salutem in Domino.
Presbiter Rolandus ecclesie Sancti Petri sue nobis conquestione
monstravit, quod tu non respiciens quod nulli manum
extendere licet in segetem alienam, non sine proprie salutis
dispendio, tales parrochianos suos ad officia recipis et ad alia
ecclesiastica sacramenta. Quare tibi presentium tenore mandamus,
quatenus sic velis, ut debes, tuo iure contentus existero
dicis parochianos ad officia et sepulturam vel ad alia
sacramenta nullatenus admittendo, ne iniuria tua gravetur
iustitia proximi vel ledatur.
LXXXXI.
De episcopo et legato qui causam archadiacono committit.
Multe sapientie ac probitatis viro domino Tancredo Bononiensi
|
|