capti, quidam mortifere vulnerati. Et hoc fuit iuxta pontem Sancti
Proculi, qui est prope Faventiam per duo miliaria seu parva
tria.
In quo anno et mense Iunii, die Iovis XIIIa dicti mensis,
Bononienses, convocato auxilio Lombardie, exercitum fecerunt
contra Faventinos et Furlivienses ad devastandum eos. Ad quorum
auxilium iverunt certa talia militum Ferarie et balestariorum
et Mutinensium et Reginorum et Parmensium; et castrametati
fuerunt circa pontem Sancti Proculi prope civitatem, ut supra
dictum est, per duo miliaria seu tria parva. In quorum exercitu
infinita erat militum et peditum multitudo. Qui cum quadam die
devastantes Faventinos pontem transissent, Guido comes Montis
Feltri, capitaneus guerre Faventinorum et Liviensium et partis
extrinsece de Bononia, misit ad dominum Malatestam, capitaneum
Bononie, quod volebat bellum omnino. Qui non abnuit.
Et ilico Faventia exivit cum tota gente sua et acies suas designavit
ad bellandum, et idem Malatesta suas acies designavit.
Qui suis omnibus designatis, Guido comes in Bononienses viriliter
irruit et competenter, eosdem totaliter expugnando, persequendo
milites et interficiendo et capiendo confecit. Quibus omnibus militibus
infugatis, cesis et diro submissis gladio, reduxit se dominus
Guido comes contra populum, qui erat ultra numerum quattuor
milium, qui erat adhuc in campo in una massa ad vexillum carrocii.
Qui populus absque ullo prelio reddidit se comiti ut captivus,
et tunc ductus fuit in Faventiam et carceri traditus cum
victoria et triumpho.
Quod Faventini et Livienses habuerunt spolia Bononiensis exercitus, postquam
ex eis victoriam habuerunt. Et de numero illorum qui in predicto
bello interfecti fuerunt.
Item Faventini iverunt ad locum ubi exercitus continue requieverat
et habuerunt sine ulla diminutione omnia victualia exercitus,
papiliones, tentoria sive tenças et currus et alia necessaria
ad exercitum. Item multi milites potentes et nobiles mortui
|
|