Lotharius cardinalis (Innocentius III): De miseria humane conditionis

Pag 87


horror inhabitat». (2) Ordo quidem erit in quantitate penarum,
quoniam «in qua mensura mensi fueritis remetietur
vobis», ut qui gravius peccaverunt, gravius puniantur: «Potentes
enim potenter tormenta patientur». Sed non erit ordo
in qualitate rerum, quia de aquis nivium transibunt ad calorem
nimium, ut subita contrariorum mutatio graviorem
inferat cruciatum. Experimento cognovi quod adustus, si
frigidum adhibeat, ardentiorem sentiet cruciatum.
XII
De diffidentia dampnatorum.
(1) «Sicut oves in inferno positi sunt, mors depascet eos».
Dictum est hoc a similitudine iumentorum, que non radicitus
evellunt herbas, sed summitates solumodo carpunt, ut
iterum herbe renascantur ad pastum. Sic impii quasi morte
depasti reviviscent ad mortem ut eternaliter moriantur:
Sic inconsumptum Titii semperque renascens
non perit, ut possit sepe perire iecur.
(2) Tunc erit mors immortalis, tunc vivent morti qui vite
sunt mortui. Querent mortem et non invenient, quia vitam
habuerunt et perdiderunt. Audi Iohannem in Apocalypsi
dicentem: «In diebus illis querent homines mortem et non

Torna all'inizio