Corvino omnes ejus per eundem Comitatum
Pinnensem diffusas, uberes, et largas
possessiones in casis, et casalinis, casalia
Brelianum, et Linari cum omnibus tenimentis
et pertinentiis suis, et cum ceteris rebus mobilibus,
immobilibus eorum. Unde receperunt
ipsi venditores ab eadem Clementissima
Regina bullas de auro duas equum optimum
unum cum argentea sella, in pretium MCC.
solidorum, sicut testatur chartula venditionis
eorumdem.
Sequenti post hoc anno Domino Ludovico
in finibus Spoletinis commorante, et pro Imperii
tranquillitate auguraliter decertante, legibus
acquisivit a quodam potentissimo viro
Adelberto omnes res proprietatis ejusdem,
quas opulenter videbatur tenere intra fines
Italiae, Tusciae, Spoleti, et Romaniae. Ipsas
profecto Piscariensi Monasterio clementer addixit
perpetuo possidendas: sed cum post mortem
praedicti Adelberti quidam Comes Hildebertus
easdem temerario maloque ordine pervasisset,
eisque incumberet, ab eodem Imperatore
calumniatus, et causidicatus, ac per
Advocatos et Judices palatii sui confutatus,
atque convictus, ipsa res in integrum in proprjam
potestatem Domini Augusti sicut antea
reversae, prorsus in iuris proprietatem Piscariensis
Ecclesiae fuerunt redactae. Qualiter autem
|
|