[In nomine sanctę et individuę Trinitatis]. Heinricus divina favente clęmentia
Romanorum imperator augustus. cum petitionibus servorum Dei
rationabilibus divini cultus amore faverimus ut his oportuna beneficia largiamur,
pręmium nobis ęternę remunerationis rependi non diffidimus. Quocirca
omnium sanctę Dei ęcclesię nostrorumque fidelium presentium videlicet
ac futurorum comperiat sollertia, qualiter B[erardus] venerabilis abbas monasterii
Sanctę Dei genitricis semperque virginis Marię, quod in ducatu Spoletino
situm est in comitatu Sabinense, constructum in loco qui dicitur Acutianus,
nostram adiens pręsentiam ostendit nobis nostrorum antecessorum regum vel
imperatorum pręcepta eidem monasterio facta aureis sigillis bullata, scilicet
Karoli imperatoris [et] Hloduici et Hlotharii nec non et Hloduici alterius, in
quibus continebatur, quomodo ipsi et antecessores eorum, Liutprandus scilicetet
Rathgisus, Haistulfus, Desiderius Langobardorum reges, nec non et imperatorum
parentum nostrorum, scilicet Chuonradi avi nostri et beatę memorię
patris nostri Heinrici, prędictum monasterium propter divinum amorem et
reverentiam sanctę Dei genitricis semperque virginis Marię dominę nostrę sub
sua semper tuitione tenuissent. ob firmitatem tamen rei postulavit prędictus
abbas, ut eorundem imperatorum pręcepta nostra auctoritate confirmaremus
et immunitatis pręceptum monasterio suo dare iuberemus. nos vero eius
iustis postulationibus assentientes, confirmamus iam dicto monasterio [quicquid
in superioribus continetur pręceptis et] quicquid futuris temporibus per instrumenta
cartarum vindicare contigerit, prout iuste et legaliter possumus, videlicet
quęcumque habere videtur in territorio Sabinense, idest ęcclesiam Sancti
Benedicti cum omnibus suis pertinentiis. et castellum de Arci cum tota
sua integritate, et aliud castellum nomine Tribucum in integrum. et alveum
Pharphę totum in integrum. ęcclesiam Sancti Angeli in Tancia cum gualdo
et omnibus suis pertinentiis, sicuti Hildebrandus dux per sua confirmavit
pręcepta. castellum de Buciniano totum in integrum. castrum Pharę cum
totis subiacentiis sibi pertinentibus. castelli quod vocatur Caput Pharphę et
Sancti Angeli cognomine, et castelli Cerreti Mali, et Scandrilię alterius castelli,
et Petrę Dęmonum, et roccę Salicis dictę, istorum quinque totam
medietatem, cum podii Moiani medietate et toto gualdo eius. castellum Vulpinianum
cum omni sua pertinentia. castellum de Marciliano [cum sibi pertinentibus].
castellum de Terraniano [cum sua pertinentia]. podium de
Catino [cum sua adiacentia]. castellum de Cuphi et castellum de Furano
cum suis pertinentiis. curtem de Lori [cum sua pertinentia]. ęcclesiam
Sanctę Helenę [cum suis dotis]. in civitate [H]ortana ęcclesiam Sancti Theodori.
|
|