loco, cuius hii sunt confines: .I. talis et cetera; et fuisset
confessus se recepisse ab eo, pretio dicte venditionis,
libras tot pisanas, prout continetur publica scriptura
inde facta, manu talis notarii, predictus talis emptor,
post predictam venditionem, ipsa pretii confessione non
obstante, promisit eidem venditori dictum pretium, scilicet
libras tot, dare et solvere ei, vel heredibus suis,
aut cui concesserit, hinc ad talem terminum, et fecit
pactum et solutionem vel absolutionem predicti debiti
non probare, nec probari facere, nisi hac scriptura incisa,
dapnata vel cancellata, vel alia qualibet publica,
de solutione dicti debiti sibi ab eo facta, ut continetur
in contractu de mutuo postea.
In Dei nomine amen et cetera. Talis filius talis, de
tali loco, obligans se suosque heredes.
DE VENDITIONE ET ACTIONIE FACTA A POTESTATE
PRO COMUNI CUM CONSENSU HOMINUM ALICUI PERSONE.
In Dei nomine amen. Talis potestas talis loci, consensu
infrascriptorum hominum eiusdem loci, congregatorum
ad sonum campane, videlicet talis et talis et
cetera, qui sunt due partes et plus, nomine dicti comunis
et universitatis, et pro ipso comuni et universitate,
vendidit, dedit, cessit atque mandavit tali omne
ius et actiones reales et personales, utiles et directas,
seu mistas, et omnem aliam quamcunque, dicto comuni
et universitati, seu ipsi tali pro ipso comuni et universitate,
conpetenti et pertinenti adversus infrascriptos
homines et personas, et que[m]libet eorum, eorumque
heredes, et in eorum bonis, ad petendum et exigendum
ab eis, et quolibet eorum, quantitates infrascriptas et
debita inferius declarata, scilicet, a tali tot, et a tali
tot et cetera; quas et que dicti homines promiserunt
tali camerario dicti loci, accipienti pro dicto comuni et
universitate, pro inposita eis facta a tali et tali, occasione
talis mulieris, ut hec et alia continentur manu
mei Gualterii notarii infrascripti, et ad petendum penam
et dampna, et expensas et interesse, et omnia et singula
|
|