Per pedes Domini stabilitas aeterna significatur, ubi
tanquam vestigiis positus, omnipotentiae virtute
consistit; hic pedibus constat esse subdendos qui,
vitiis derelictis, ejus praedicationibus inclinantur.
Donec vero non hic finem temporis, sed aeternitatem
demonstrat.
28. Nonne omnes . Filius solus salvat; isti saluti
praedestinatorum deserviunt; nam angelum ad Mariam
legimus missum; pastoribus etiam et mulieribus
in resurrectione angeli apparuerunt.
29. LANFR. Administratorii spiritus . Probato Filium
esse digniorem, probat quoque angelos esse indigniores;
sunt enim ei et hominibus administrantes.
CAP. II.—1. LANFR. Propterea . Quia tantam curam
habuit et habet Deus, ut et Filium suum pro
nobis fecerit incarnari, et angelos suos in ministerium
nostrum quotidie invitet.
2. AMBROS. Abundantius . Hoc est amplius quam
in lege solebamus audire.
3. LANFR. Ne forte pereffluamus . Ne pejus puniamur,
ideo quod cognovimus, notum postposuimus.
Vel, quia jam ex parte decidimus, ne ex toto
decidamus.
4. Sermo factus . Veteris Testamenti legem dicit,
quae per angelos data est Moysi. Non enim Deus per
propriam substantiam loquebatur, sed angeli in persona
Dei.
5. Sermo factus est firmus . Oportet nos servare
sermonem ejus; nam firmus est: firmus enim
factus est sermo datus per angelos. Oportet nos
servare, et, si non servaverimus, puniemur; nam qui
non servaverunt legem datam, per angelos puniti
fuerunt.
6. AMBROS. Neglexerimus . Per hoc significat quia
non erat tanta salus in Veteri Testamento; illa
enim temporalis, haec perpetua.
|
|