ac serenissimam augustam Beatricem eius coniugem ex coronis
auro purissimis ac multis preciosissimis gemmis decoratis
in ecclesia sancti Petri coronavit.
Romani itaque hoc cernentes et se cum imperatore pugnare
non posse putantes nec etiam flumen Tiberis transire audentes,
fedus cum imperatore magis facere quam bellum cum eo inire
decreverunt. Igitur Romani legatos ad imperatorem dirigunt
fedusque cum eo faciunt papamque Paschalem in perpetuum
se pro papa habere et tenere firmiter eum iureiurando promittunt.
Ac omnes preter Fricapanes et illos de Leo et quam
plures alios Rome nobiles, qui maximas turres ac domos et
fortitudines in Roma habebant nec leviter capi tam cito
poterant, fidelitatem imperatori facere disposuerunt.
Hoc itaque sic peracto imperator suos nuncios ad fidelitates
Romanorum recipiendas in Romam ultra Tiberim direxit.
Inter quos fuit Acerbus Morena Laudensis civis ac imperialis
curie iudex, homo nobilis, probus, disertus ac etiam sapiens,
Deum pre omnia et in omnibus timens et eius mandata observans,
verum semper dicere desiderans, mendacium loqui
maximam verecundiam habens, imperatorem ac imperii
honorem multum in Deo diligens, extra Deum vero eum obedire
|
1
5
10
15
20
|