8. LANFRANCUS. In obsequium . In pro contra intellegi
potest, ut sit sensus: Captivantem intellectum
ad obsequium Christi vel intellectum, qui est contra
obsequium Christi; id est, diligenter considerate
opera eorum qui in conspectu vestro tantum bona
agunt, ne forte vos seducant.
9. AMBROS. Quae secundum faciem . Nunc vult eos
quae palam sunt considerare, id est, ea quae dicturus
est, quia aperta sunt, dijudicare.
10. LANFR. Nam etsi amplius . Quasi diceret:
Possem dicere: Apostoli sumus, et plus nobis obedire
debetis.
11. Non erubescam . Merito erubesceret, si se
Apostolum diceret, et non esset.
12. AMBROS. Non existimer . Ipse potest videri
terrere per Epistolam, quia [ al ., qui] neque auctoritatis
alicujus est, neque praesens fiduciam habeat
arguendi.
13. LANFR. Non existimer . Hoc dicit occasione
illius sententiae, quam superius dixit, parati ulcisci
omnem inobedientiam, ut, inquit, non existimer a
vobis tanquam terrere quod minor implere, sciatis
quod minor dictis implebo factis.
|
|