invenit Simmachus, et in sede confirmatur. Silverium
quoque papam Theodatus rex tyrannus pecunia corruptus
per vim ordinavit, sine deliberatione decreti in quo sacerdotes
non subscripserunt secundum morem antiquum nec decretum
confirmaverunt nisi post ordinationem. quem postmodum Vilisarius
patricius imperatoris deponi et monachica indui veste
fecit . Vigilium autem successorem eius Iustinianus et Theodora
Augusti Constantinopolim accersierunt et in custodiam miserunt.
tunc temporis misit imperator Iustinianus Narsetem
eunuchum et cubicularium suum in Italiam. cui contra Gothos
pugnanti Deus victoriam dedit, rege Badua, qui et Totila, interfecto,
qui etiam rogatus a clero Romano de exilio Vigilium papam
reduxit , beatissimus quoque Gregorius veridicus eximiusque
doctor Ecclesię, quem cum clerus, senatus populusque Romanus
sibi concorditer pontificem eligerent, imperatori Mauricio, cuius
filium susceperat ex sancto lavacro, latenter litteras destinavit,
adiurans et multa pręce deposcens ne unquam assensum populis
pręberet ut se huius honoris gloria sublimaret. sed pręfectus
Urbis nomine Germanus eius nuntium anticipavit, comprehensoque
ac diruptis epistolis consensum quem populus fecerat imperatori
direxit. at ille gratias agens Deo pro amicitia Diaconi
eo quod locum deferendi ei honoris, ut cupierat, reperisset, data
pręceptione, ipsum ordinari pręcepit. Bonifatius autem tertius
papa optinuit a Foca Cesare ut sedes apostolica beati Petri apostoli
caput esset omnium ecclesiarum, quia ecclesia Constantinopolitana
primam se omnium ecclesiarum scribebat. Bonifatius
vero quartus papa impetravit a Foca principe.templum
Pantheon quod fecit ecclesiam esse Beatę Marię semper virginis
et omnium Martyrum, reliquiis in ea collocatis. in qua ęcclesia
|
|