Lanfrancus Ticinensis: In omnes epistulas Pauli commentarii, cum glossula interiecta

Pag 337


13. Hoc vobis dicimus , hoc est, secundum
revelationem.
14. Quoniam ipse Dominus . Jussum vel tubam
vocat vocem archangeli qui dicet: Surgite .
15. AUGUST. (lib. XX De civit. Dei , cap. 20, tom.
V). Deinde nos . Si ergo sanctos qui reperiuntur Christo
veniente viventes. eique in obviam rapientur,
crediderimus in eodem raptu de mortalibus corporibus
exituros, et ad eadem mox immortalia redituros,
nullas in verbis Apostoli patientur [ al ., patiemur]
angustias, sive ubi dicit: Tu quod seminas
non vivificabitur, nisi moriatur. Sive ubi dicit:
Omnes resurgemus, ut [ al ., aut] omnes
dormiemus.
CAP. V.—1. LANFR. De temporibus . De temporibus,
an aestate vel hieme, an die vel nocte, venturus
sit ad judicium Christus.
2. De momentis , id est, qua hora diei vel
noctis.
3. Ipsi enim diligenter . Quasi dicat: Non indigetis,
quia nihil aliud scriberem nisi quod vos scitis,
diem videlicet Domini clam venturum, nec tempora
nec momenta aliquo sciente.
4. Cum enim dixerint: Pax . Defuncto Antichristo
putabant stulti se amplius securos; sed tunc cito
veniet interitus, et tunc bene erit nobis qui evademus,
sicut mulier partum.
5. AUGUST. (epist. 80, ad Hesich ., tom. II). Cum dixerint
pax . Quid est quod ait Apostolus: Cum dixerint
pax et securitas? Cum enim dixisset Evangelium:
Arescentibus hominibus prae timore et exspectatione;

Torna all'inizio