9. Mors in nobis operatur . Dubium non est quia
in martyribus Christus occiditur. Unde vita qua
resurrexit a mortuis Christus, mortali carni eorum
praestabitur.
10. Vita autem . Hoc dicit, quia pro salute eorum
morti subjiciebatur, habens eumdem spiritum, id
est, communem cum illis, per quem fides firmatur,
secundum quod scriptum est: Credidi , et quia credidit,
audet praedicare hoc.
11. AUGUST. ( contra duas epist . Pel ., c. 21, tom.
VII.) Habentes eumdem spiritum . Quid est, eumdem
spiritum, nisi quem justi quoque habuerunt, qui ista
dixerunt?
12. LANFR. Eumdem spiritum fidei . Quasi quis
dicat: Cur patimini? Quia, inquit, de Deo loquimur.
Cur ergo loquimini? Quia credimus in eum;
omnes enim fideliter in eum credentes, loquuntur
de eo; scriptum enim de David, quia propter hoc
locutus est, quia credidit. Quid inde? Nos, inquit,
habemus spiritum fidei, quem habuit David.
13. Omnia propter vos . Exponit quomodo constituentur
in coelis, omnia enim propter vos, ut vestro
exemplo gratia, id est, fides vestra abundet cum
gratiarum actione, et sic constituamini in coelis.
14. AMBROS. Omnia enim propter vos . Apostolus
persecutiones et pericula pati non timuit, ut plures
crederent, et abundans Dei donum, non per paucorum
gratiarum actionem minueretur ad contumeliam
Dei; sed multis proficiens afflueret per multorum
gratiarum actionem, ad gloriam Dei.
15. LANFR. Omnia enim propter . Omnia enim propter
vos instruendos patimur, ut gratia, id est gratiarum
actio, abundans actione gratiarum facta per
|
|